ကျွန်တော့် BLOG အားလာရောက် လည်ပါတ်သူများကို အထူးပင်ကျေးဇူးတင်ရှိပါသည်။ AJ Phone 2 ဖုန်းဆိုင် Sales & Service Center { တကူ - ပြည်အေး ရပ်ကွက် }

Thursday, November 7, 2013

ပါမုန့် ၀က်သားကပ်ကြော်

 

ဒီ ပါမုန့်ဝက်သားကပ်ကြော်လေးက အစားပြေအဖြစ် အချိန်မရွေးမှာ စားသုံးနိုင်ပါတယ်။ စားလို့လည်း အရမ်းကောင်းပြီ ထိုင်းစတိုင် ဆော့လေးနဲ့လည်း အလွန်မှ လိုက်ဖက်လှသည်။ ၀တ်ရည်ကတော့ ထိုင်းဟင်းတွေကိုလည်း ကြိုက်တာမို့ မကြာခဏလိုလို လုပ်စားဖြစ်ပါတယ်။ ချက်နည်းလေးကလွယ်တာမို့ တူတူလုပ်စားကြည့်လိုက်ရအောင်…

ပါဝင်သောပစ္စည်းများ
၁။ ပါမုန့် (Bread)- ၅ချပ်
၂။ ၀က်သား (Pork)- ၁၅ကျပ်သား (နှုတ်နှုတ်စဉ်းထားပါ)
၃။ ကြက်ဥ (Egg)- ၁လုံး (ခလောက်ထားပါ)
၎။ ခရုဆီ (Oyster Sauce)- စားပွဲတင်ဇွန်း ၁ဇွန်း
၅။ ပဲငံပြာရည် အကြည် (Light Soy Sauce)- လက်ဖက်ရည်ဇွန်း ၁ဇွန်း
၆။ ဆား (salt)- လက်ဖက်ရည်ဇွန်း ၂ဇွန်း
ရ။ သကြား (Sugar)- လက်ဖက်ရည်ဇွန်း ၁ဇွန်း
၈။ ငရုတ်ကောင်းမှုန့် (Black pepper)- လက်ဖက်ရည်ဇွန်း ၁ဇွန်း
၉။ တရုတ်နံနံပင် (Spring Cilantro)
ဆော့အတွက် ပါဝင်ပစ္စည်းများ
၁။ သခွာသီး – တ၀က် (ပါးပါးအရှည်လှီးပါ)
၂။ ကြက်သွန်မြိတ် – ၁ခု (ပါးပါးလှီးပါ) (ပါးပါးလှီးပါ)
၃။ ငရုတ်သီးတောင့်ပွ(အရှည်) – ၁ခု(ပါးပါးအ၀ိုင်းလှီးပါ)
၎။ သကြား – စားပွဲတင်ဇွန်း ၁ဇွန်းခွဲ
၅။ ဆား – လက်ဖက်ရည်ဇွန်း တ၀က်
၆။ ဗီနီဂါ – စားပွဲတင်ဇွန်း ၁ဇွန်း
ရ။ ရေနွေး – စားပွဲတင်ဇွန်း ၂ဇွန်း
ချက်ပြုတ်နည်း
၁။ အရင်ဆုံး ပါမုန့်၁ချပ်ချင်းဆီကို ၄ပိုင်းပိုင်းလိုက်ပါ
၂။ ပြီလျှင် ကျန် ပါဝင်ပစ္စည်းများ ဖြစ်သော (၀က်သား၊ ကြက်ဥ၊ ခရုဆီ၊ ပဲငံပြာရည်၊ ဆား၊ သကြား၊ ငရုတ်ကောင်းမှုန့်၊ တရုတ်နံနံပင်) အားလုံးတို့ကို ဇလုံတစ်ခုထဲတွင် ရောနုယ်လိုက်ပါ။



၃။ ထို့နောက် ပါမုန့်ပေါ်သို့ နုယ်ထားသော ၀က်သားများကို ပုံတွင် ပါသည့်အတိုင်း ကပ်လိုက်ပါ။



၎။ ပြီနောက် ဒယ်ထဲ ဆီများများထည့်၍ ဆီပူလာလျှင် ၀က်သားကပ်ထားသည့် ဘက်သို့ အရင်ကြော်ပြီ ကျက်လျှင် နောက်တစ်ဘက်သို့ ပြန်လှန်ပေးပါ။



၅။ နီညှိုရောင်သန်းလာလျှင် ပါမုန့်လေးများကို ပြန်ဆယ်ပေးပြီ ဆီစုတ်စက္ကူပေါ်တွင် တင်ပေးထားပါ။



၆။ ထိုနည်းအတိုင်း ကျန်ပါမုန့်များကို ဆက်ကြော်ပေးပါ။
ရ။ ပါမုန့် ၀က်သားကပ်ကြော်လေးများ ရပြီ ဆိုလျှင် ဆော့ပြုလုပ်ပါ့မယ်။
၈။ ဆော့အတွက် ပါဝင်ပစ္စည်းများဖြစ်သော (ဆား၊ သကြား၊ ဗီနီဂါ၊ ရေနွေး)တို့ကို ခွက်တစ်ခုထဲ ရောမွှေလိုက်ပါ။
၉။ ပြီမှ သခွာသီး၊ ငရုတ်ပွတောင့်၊ ကြက်သွန်မြိတ်ထည့်ထားသော ခွက်ထဲသို့ လောင်းထည့်ခြင်းဖြင့် ဆော့ရရှိပါပြီ။



၁၀။ ပါမုန့် ၀က်သားကပ်ကြော်လေးများကို ဆော့ဖြင့်တွဲစားသုံးနိုင်ပါပြီ….


PDF ဖြစ် ဒေါင်းရန်

No comments:

Post a Comment